 |
| pinchar para ver cartel |
Mostra de MÁQUINAS ABSURDAS do escultor Bernardo Seoane
xullo e agosto
Durante xullo e agosto pode visitarse no Edif. Multiusos de Xunqueira de Redondela a mostra MAQUINAS ABSURDAS do escultor afincado en Arcade Bernardo Seoane.
O artista, autodidacta aínda que con máis de trinta anos de traballo ás súas costas, presenta unhas 25 pezas elaboradas a partir da reciclaxe de diversos materiais: ferramentas, aceiro, ferralla, etc, coas que reflexiona sobre o absurdo de certos comportamentos e situacións: a incomunicación, a hipocresía, o asulagamento, ou mesmo a violencia das guerras.
Así, con títulos coma DESINTOXICADOR DE MÓVILES, AUTO-ZOUPADOR, INSTRUMENTOS DE PEDIR, MÁQUINA DE PISARSE, CONFESIONARIO AMBULANTE, ou a TERMINATOR, que da imaxe ó cartel da exposición, Seoane fai un lúcido traballo conceptual de crítica dende a ironía, facendo participar activamente ó expectador na visita xa que tódalas máquinas están concebidas para ser accionadas polo visitante para realiza-lo seu traballo, mesmo hai unha que permite ser abrazado gratuítamente. A mostra MÁQUINAS ABSURDAS está organizada pola Concellería de Cultura, Concello de Redondela
Exposición permanente sobre as Festas da Coca
De diferentes autores da zona (Mundo Cal, Pelu Vidal, Landín, Miguel Núñez, Rafa Estévez...)
Exposición de fotografías de diferentes autores da zona (Mundo Cal, Pelu Vidal, Landín, Miguel Núñez, Rafa Estévez...) sobre a celebración da nosa festa mais importante, nas que se reflexan os puntos álxidos da mesma.
Tamén se expoñen figuras que levan os traxes tradicionais utilizados nos diferentes actos de celebración desta festa dende o século XVI ata hoxe, un interesante traballo antropolóxico realizado pola redondelana Margot Araujo.
|
